Bilboko itsasadarrak, Telefonica Bandera – Bilbo Hiria Sari Nagusia XI. Estropada hartuko du datorren larunbatean, uztailak 4. TKE Ligaren lehen hitzordua izango den sari nagusi honetan 12 ontzi parte hartuko dute eta hasiera arratsaldeko 18:00etan izango da.
Orio da Telefonica Bandera-Bilbo Hiria estropadan garaipen gehien lortu dituen kluba, hiru garaipenekin. Astillerok eta Castrok bina bandera lortu dituzte, eta beste traineruok estropada bana irabazi dute: Urdaibai, Pasai Donibane eta Hondarribia. Traineruek hiru itsas miliako bidea egin beharko dute, 5.556 metro, lau luze eta hiru ziaboga, erlojupekoan.
Lehiaketa hiru txandatan banatuko da:
- 1.go txanda: Arkote, Tiran Pereira eta TKE Ligara igo diren Kaiku Ambilamp eta Samertolameu ontziek parte hartuko dute. Lehiaketa buruz buruko erlojupekoa izango da.
- 2. txanda: Pasa den denboraldian TKE Ligako sailkapen orokorrean 5. eta 8. postuen artean sailkatu ziren traineruek parte hartuko dute txanda honetan. Lehiaketa buruz buruko erlojupekoa izango da.
- 3. txanda: Pasa den denboraldian TKE Ligan lehen lau postuetan sailkatu ziren ontziek parte hartuko dute azken txandan. Txanda hau ere buruz buruko erlojupekoa izango da.
Telefonica Bandera – Bilbo Hiria Sari Nagusia XI. Estropada ETBk eskainiko du zuzenean.
Informazio guztia | Liga ACT
Erlazionatutako sarrerak
Atzo, uztailaren 2an, Athleticek Iñigo Diaz de Cerio jokalaria aurkeztu zuen Ibaiganeko prentsa aretoan. Jokalariak 2013ko ekainaren 30era arteko kontratua sinatu du, 50 milioi euroko deuseztatze klausularekin.
De Ceriok lehen mailan egin zuen debuta 2006ko otsailaren 12an eta gaur egun, hauxe da bere fitxa teknikoa:
- 2003-04 Real Sociedad B 2ºB 19 partida 4 gol
- 2004-05 Real Sociedad B 2ªB 33 partida 11 gol
- 2005-06 Real Sociedad B 2ªB 32 partida 23 gol
- 2005-06 Real Sociedad SAD 1ª 3 partida golik ez
- 2006-07 Real Sociedad SAD 1ª 27 partida 4 gol
- 2007-08 Real Sociedad SAD 2ªA 36 partida 16 gol
- 2008-09 Real Sociedad SAD 2ªA 11 partida 4 gol
Iturria | Athletic-club.net
Erlazionatutako sarrerak
Uztailaren 11tik Abuztuaren 16ra arte, Traineruen Euskotren Liga egingo da gure itsasoetan (emakumezkoen liga), TKE Ligaren homologoa. Liga honetako lehen estropadak ikusteko aukera Galiziako O Groven izango dugu eta hortik aurrera, egutegi hau jarraituko da:
- Uztailak 11 - Bandeira Concello de Ogrove - Ogrove - 17:30
- Uztailak 12 - B. Concello de Pontevedra - Pontevedra - 11:30
- Uztailak 25 - Bandera Marina de Cudeyo - Pedreña - 18:30
- Uztailak 26 - Plentziako Ikurriña - Arkote - 11:30
- Abuztuak 1 - Zumaiako Ikurriña - Zumaia - 18:30
- Abuztuak 2 - Getxoko Estropaden Ikurriña - Getxo - 11:30
- Abuztuak 15 - Zarauzko Estropadak (1) - Zarautz - 17:30
- Abuztuak 16 - Zarauzko Estropadak (2) - Zarautz - 11:30
Iturria | Liga ACT
Erlazionatutako sarrerak
Uztailaren 4an, datorren larunbatean, Zuia biraren IX. edizioa egingo da Murgian, Atzabal M.T-k antolatuta. Irteera Zuiako udaletxetik egingo da goizeko 7:00etan, oinezkoentzat izango da soilik izanik, kirola eta mendizaletasuna sustatzeko asmoarekin.
Iraupen luzeko ibilaldi hau, 45 kilometroko ibilbidea izango du eta guztira 7-10 ordu behar dira gutxi gora behera helmugara iristeko. Zuiako biran parte hartzeko 12 eurotako kuota ordaindu behar da, 13 euro federatuta ez daudenentzat, eta Euskal Mendizale Federazioaren webgunean aurkitu dezakezue xehetasun guztiak.
Iturria | EMF
Erlazionatutako sarrerak
Uztailaren 5etik 11ra bitartean, Donosti Cip eta Gasteiz Cup oinarri-futboleko txapelketak ospatuko dira Donostian eta Gasteizen. Aurtengo Donosti Cup-a, txapelketaren 18. edizioa da eta mundu osoko 258 talde izango dira honetan parte hartzeko. Talde hauek zazpi mailetan banatuko dira mutilentzat eta laun mailetan neskentzat eta hamabi zelaietan jokatuko dituzte partiduak.
Aurtengo Gasteiz Cup-a berriz, txapelketaren XIV. edizioa izango eta honetan 130 talde baino gehiago hartuko dute parte. Txapelketa 9 mailetan banatuko da mutilentzat eta 3 neskentzat, eta partidu guztiak Gasteizko belar natural eta artifizialeko 10 zelaietna jokatuko da.
Informazio guztia | Donosti Cup | Gasteiz Cup
Erlazionatutako sarrerak
Atalak: 
Etiketak: 
