Gaur bertan hasiko da Plateruena Skate Txapelketaren laugarren edizioa, Durangoko Plateruenan egokitutako modulu berezietan. Honetan patinatzaile profesionalak zein afizionatuak ikusteko aukera izango dugu, Volcom taldearen babesarekin.
Bihar berriz, txapelketa Landako erakustazokara mugituko da eta skaterrak 25 metroko Mini Ranpa egokituaz gozatuko dute, estatu osoan aurkitu dezakegun bertikalena. Aurten ere, Alain Goikoetxea eta Iban Rivado (azken aldi bietako irabazleak ) izango dira parte-hartzaileen artean. Txapelketak, 8000 euro banatuko ditu sarietan.
Erlazionatutako sarrerak
Maiatzak 1etik 3ra bitartean, Gipuzkoako Surf Txapelketa egingo da Donostiako Zurriola hondartzan. Gipuzkoako hiriburuan izango den txapelketa honetan parte hartuko dutenak, honako mailetan egiteko aukera izango dute ( gehienez bi maila):
- Gizonezkoak: Open, Senior, Master, Longboard, 18Azpi, 16A, 14A,12A
- Emakumezkoak: Open, 18A, 16A, 14A, 12A
Izena emateko epea apirilak 30an itxiko da eta 10 eurotako kuota ordaindu beharko da maila bakoitzeko (14A eta 12A doan / 18A eta 16AÂ 5 euro).
Bodyboard txapelketa berriz, Maiatzaren 9an eta 10an izango da Donostiako Zurriola hondartzan eta honetan parte hartuko dutenak, honako mailetan egiteko aukera izango dute ( gehienez bi maila):
- Gizonezkoak: Open, Senior, Dropknee, 18Azpi, 16A
- Emakumezkoak: Open
Izena emateko epea maiatzak 8an itxiko da eta 10 eurotako kuota ordaindu beharko da maila bakoitzeko (18A eta 16A 5 euro).
Hona hemen Euskal Herriko Surf Federazioarekin harremanetan jartzeko informazioa eta kuota ordaintzeko kontu korrontea:
- GSF Kontu korrontea: 2101 0001 11 0006928287
- GSF Fax zbkia: 943 474574
- GSF mail: gsf@euskalsurf.com
Iturria | EHSF
Erlazionatutako sarrerak
Maiatzaren 10an, Bilboko Duatloiaren bosgarren edizioa egingo da Bizkaitar hiriburuan. Duatloian parte hartzen dutenek, 28,5 kilometroko ibilbidea egin beharko dute: 5 kilometro oinez, 21 kilometro bizikletaz eta azkenik beste 2,5 kilometro oinez.
Duatloiaren hasiera Botika Zaharretik izango da goizeko 10:30etan eta honetan parte hartu nahi dutenek, Maiatzaren 7ra arte izango dute inskripzioa egiteko: 20 eurotako federatuentzat eta 30 eurotakoa federatuta ez daudenentzat.
Informazio guztia | Betibilbo.org
Erlazionatutako sarrerak
Maiatzak 9an, Azkoitiko Udalaren Sari Nagusiaren seigarren edizioa ospatuko da. RallySprint froga hau arratsaldeko 15.30etan hasiko da eta pilotuek honako zirkuituari aurre egin beharko diote:
- Gehienez hiru pasada egingo dira norabide bakarrean.
- Ibilbidearen luzera, guztira: 67,50 km.
- K.Z.ak, guztira: 3
- K.Z.en luzera, guztira: 24,90 km.
- Etapa kopurua: 1
- Kronometratutako Zatia (K.Z.)
- GI-3210 eta GI-3321 errepideetan, Azkoitia eta Elgoibar artetik.
- Irteerako P.K.: 18,84 (GI-3210)
- Amaierako P.K..: 5,50 (GI-3321)
- K.Z.ren Luzera: 8,30 Km.
Azkoitia VI. Rallysprint proba ondorengo Txapelketa eta Trofeoetarako da puntuagarria:
- Rallysprinteko Gidariak Euskal Txapelketa.
- Rallysprinteko Gidariak Gipuzkoako Txapelketa.
- Rallysprinteko Gidakiden Euskal Txapleketa.
- Rallysprinteko Gidakiden Gipuzkoako Txapelketa.
- Rallysprinteko Gidaria Euskal Txapelketa Juniorra.
- Rallysprinteko Gidaria Gipuzkoako Txapelketa Juniorra.
- Rallysprinteko Gidakiden Euskal Txapelketa Juniorra.
- Rallysprinteko Gidakiden Gipuzkoako Txapelketa.
Informazio guztia | Euskadiko Automobilismo Federazioa
Kiroldegi ++ Euskadiko Automobilismo Federazioaren Rally Egutegia 2009
Erlazionatutako sarrerak
Datorrren larunbatean, Maiatzak 2, Arratzu Urdaibai Mendi Lasterketaren lehenengo edizioa egingo da Gernika ondoan kokatutako Arratzuko bizkaitar herrian. Lasterketaren hasiera Arratzuko Udaletxetik izango da goizeko 9:30etan eta honetan parte hartuko duten kirolariek 30 kilometroko ibilbidea egin beharko dute.
Mendi lasterketa, Arratzu inguratzen duen mendietatik eta Urdaibaiko Biosferaren erreserbako mendi garrantzitsuenetatik igaroko da eta parte hartuko duten mendizaleek honako mailetan banatuko dira:
Gizonezkoen mailan:
- Absolutoak: 18 urte baino gehiagokoak
- Beteranoak: 45tik gorakoak
- 23 urte azpitik (1986-1992 urteetan jaioak, biak barne; beti ere 15km-ko lasterketan)
Emakumezkoen mailan:
- Absolutoak: 18 urte baino gehiagokoak
- Beteranoak: 40tik gorakoak
- 23 urte azpitik (1986-1992 urteetan jaioak, biak barne; beti ere 15km-ko lasterketan)
Arratzu Urdaibai Mendi Lasterketaren lehenengo edizioan, gehienez 350 korrikalari parte hartu ahal izango dute eta izena emateko epea Apirilaren 30ean itxiko da. Izena-ematea arratzu-urdaibai.com webgunean, telefonoz (600 866 599) edota e-postaz (info@arratzu-urdaibai.com) egin daiteke.
Informazio guztia | Arratzu-Urdaibai
Erlazionatutako sarrerak
Atalak: 
Etiketak: 
