Ekainaren 17an, Forum Sport Kosta Trail lasterketaren IV. edizioa ospatuko da. Froga berezi honetan parte hartu nahi dutenek, hiru modalitate ezberdin izango dute aukeratzeko:
Mendi lasterketa
Bizkaiko kostaldeko labarretako bideetatik igarotzen den 29,5 kilometroko ibilbidea. Frogaren irteera Portugaleteko Bizkaiko Zubi Eskegian kokatuko da berriro ere. Nerbioiko itsasadarra gabarraren gain zeharkatu ondoren, korrikalariek Getxo, Sopelana, Barrika, Plentzia eta Gorliz igaroko dute.
Mendi ibilaldia
Sopelako Udaletxetik hasten den 20 kilometroko mendi ibilbidea.
Ibilaldi familiarra
Azken modalitate hau izaera familiarra du, zailtasun txikia eta familia edo lagun artean egiteko aproposa den 12 kilometroko ibilbidea da. Hau, baita ere, Sopelako Udaletxetik hasten da.
Honetan parte hartzeko ordaindu behar den kuota, 4 eurotakoa izango da Mendi Ibilaldi eta Ibilbide familiarrarentzat, eta 15 eurotakoa Mendi Lastarketarentzat (20 ez federatuentzat).
Informazio guztia | Forum Sport Kosta Trail
Erlazionatutako sarrerak
Larunbat honetan, Maiatzak 30, Bermeoko Triatloiaren hirugarren edizioa egingo da kostaldeko biztaitar udalerrian. Euskadiko zirkuitu barruan sartuta dagoen triatloi hau Aritzatxu Triatloi Taldeak eta Euskadiko Triatloi Federazioak antolatu du eta 250 kirolari baino gehiago espero dira froga honetan.
Bermeoko Triatloia arratsaldeko 16.00etan hasiko da herriko portutik eta 27,750 kilometroko ibilbidea izango du guztira: 750 metro igeriketan, 22 kilometro bizikletan eta 5 kilometro oinez. Honetan parte hartu nahi duten kiroleriek, 22 eurotako kuota ordaindu beharko dute, 32 eurotakoa ez federatuentzat, eta izen ematea triatloi.org webgunetik egin daiteke.
Informazio guztia | Aritzatxuritriatloia.com
Erlazionatutako sarrerak
Ekainaren 14an, Igandea, Bermeoko Ermiten 10. Martxa egingo da. Ez lehiakorra den froga honetan parte hartu nahi dutenek, bi ibilbide egin ahal izango dute: “Betikue“, 31 kilometroko luzera duen ibilbidea eta “Luzie“, 47 kilometroko luzera duen ibilbidea.
Bermeoko Ermiten 10. Martxa, Euskal Herriko iraupen luzeko ibilaldi zirkuituaren barruan dago eta honen helburua, Bermeoko Ermita ezberdinak lotzeko aukera eskaintzea da: Gaztelugatxe, San Miguel, Mañu, Aingeru Guardie, Almike eta Demiku. Gainera, martxa honetan parte hartzen duten kirolariek, Kantauri Itsasoa izango dute beti begibistan.
Martxa honen antolatzailea Sollube 707 Mendizale Taldea da eta honetan parte hartzeko interesik baduzue, euren webgunean aurkituko duzue behar de informazio guztia.
Iturria | Sollube 707 Mendizale Taldea
Erlazionatutako sarrerak
Ekainaren 20an, Lekeitioko Triatloiaren 17. Edizioa egingo da bizkaitar udalerri honetan. Arratsaldeko 16:30etan hasiko den froga hau Euskadiko Txapelketarako baliogarria izango da eta eta guztira 27,750 kilometroko ibilbidea izango du: 750 metro igeriketan, 22 kilometro bizikletan eta 5 kilometro korrikan.
Triatloi honetan parte hartzeko ordaindu behar den kuota 24 eurotakoa izango da (34 eurotakoa ez federatuentzat) eta izena emateko epea ekainaren 16an itxiko da, partaidetza 400 kirolarientzat mugatua dagoen arren.
Lekeitioko Triatloiari buruzko informazio gehiago nahi izanez gero, Garraitz kirol taldearekin harremanetan jarri zaitezkete hurrengoko e-postaren bidez: garraitz [@] euskalnet.net
Iturria | Triatloi.org
Erlazionatutako sarrerak
Ekainaren 7an, Aralar Ibilbidearen XI. edizioa ospatuko da Ttutturre Kirol Elkartearen antolakuntzarekin eta mendi kirola indartzearen asmoarekin. Martxaren irteera Lekunberriko plazatik izango da goizeko 6:00etan eta ibilbideak 49,2 kilometro izango du guztira.
Aralarko Mendi Ibilaldian parte hartu nahi duen edonori irekia dago eta izen ematearen kuota 10 eurotakoa izango da. Ibilbideak ez du klasifikaziorik izango, beraz kontrol puntu guztiak pasatuz gero, diploma eta oroigarria jasoko du mendizale bakoitzak.
Ibilaldiari buruzko informazio gehiago nahi izanez gero
Informazio guztia | Ttutturre Kirol Elkartea
Erlazionatutako sarrerak
Atalak: Atletismo, Mendia 
Etiketak: Forum Sport Kosta Trail, Ibilaldi familiarra, Mendi ibilaldia, Mendi lasterketak 
