Kirolaren Euskal Eskolak lehen mailako entrenatzaile ikastaroa antolatu du Donostiako Kirol Etxean. Ikastaroa datorren urteko urtarrilaren 22tik martxoaren 13ra egingo da, ostiraletan eta larunbatetan. Izen-emate epea zabalik dago jada eta urtarrilaren 22an itxiko da. Parte-hartzaileak 16 urte baino zaharragoak izan beharko dira eta Bigarren Hezkuntzan graduatu titulua edo baliokidea izan beharko dute.
Taldeak gutxienez 15 ikasle izan beharko ditu, eta gehienez 35. Horietako bakoitzak 135 euro ordaindu beharko ditu; Kirolaren Euskal Eskolarekin hitzarmena duen erakundeetako kideek, berriz, 90 euro ordaindu beharko dituzte. Kirolaren Euskal Eskolak Getxoko Makaletako etorbidean duen bulegoan edo bere web gunean eman daiteke izena.
Ikastaroan oinarri biologikoak, jarrera eta ikaskuntza, kirol entrenamenduaren teoria eta praktika eta kirol antolakuntza eta legeria landuko dituzte. Entrenatzaile ikastaroko bloke komuna gainditzeko ezinbestekoa da asistentziaren %80a betetzea eta arlo bakoitzeko azterketa gainditzea. Lehen mailako entrenatzaile diploma eskuratu nahi duenak bloke komun hau, bloke espezifikoa eta praktikak gainditu beharko ditu.
Iturria | Kirolaeuskaraz
Ikastaro gehiago | Euskadi.net
Erlazionatutako sarrerak
Bilbao Basketek 11 puntuko aldearekin (90-79) irabazi zion atzo BC Donetsk taldeari eta hau dela eta, Eurocup liga jokatzeko txartela lortu dute Vidorretaren mutilek. Bizkaia Arenan jokatu zen partidan azken laurden ikaragarria ikusteko aukera izan genuen eta Donetskek egoera kontrolpean zuela ematen zuen momentuan, Salgadok, Banicek, Warrenek eta Mumbruk protagonismoa hartu zuten eta partidari buelta eman zioten.
Hona hemen partidaren fitxa teknikoa:
- Bizkaia Bilbao Basket (90): Javi RodrÃguez (5), Seibutis (2), Mumbrú (13), Banic (28) y Guardia (5) -hasierako bostekoa-; Salgado (12), Blums (2), Vázquez (-), Warren (17), Markota (4) eta Moiso (2).
- BC Donetsk (79): Perry (26), Tucker (10), Drozdov (11), Owens (19) eta Ivshyn (-) -hasierako bostekoa-; Mazutis (-), Konic (5), Marsh (6) eta Sundov (2).
Bilbao Basket-ek hurrengoko taldeekin batera egongo da Eurocup-eko E taldean:
- Spirou Basket
- Turk Telekom
- Spartak St. Petersburg
- Bizkaia Bilbao Basket
Erlazionatutako sarrerak
Datorren urteko Urtarrilaren 29an eta 30an, Surfari aplikaturiko meteorologia eta ozeanografiari buruzko jardunaldiak Getxoko udalerrian. Ikastaroaren irakasleak Tony Butt (Itsasoaren Zientzietan Lizentziatua eta Ozeanografia Fisikoan Doktorea) eta Gabi Perez (Telekomunikazio Ingeniaria) izango dira eta bi egunetan zehar eduki hauek emango dira:
- Surf guneetan olatuen dinamikak sortu eta baldintzatzen dituzten mekanismo fisikoak ezagutu eta ulertu.
- Ikasleari mapa isobarikoak interpretatzeko ezagutzak eman, etorkizunean horien bitartez olatuen dinamikak eta baldintza atmosfériko lokalak aurreikusi ahal izateko.
- Internetaren erabilera itsas eta olatuen baldintzak aurreikusteko.
Ikastaroa kirol sistemarekin erlazioa duten pertsonei zuzendua dago, batez ere federazio, klub, enpresa eta kirol zerbitzu publikoekin zerikusia dutenak eta berez gaztelaniaz izango da. Hona hemen izena emateko informazioa:
1. Kiroleskolako bulegoan:
Makaletako etorbidea, z/g
48992 Getxo (Bizkaia)
Tel: 94 430 48 67 / Fax: 94 430 90 11
Iturria | EHSF
Erlazionatutako sarrerak
Azaroaren 15ean, igandea, Bilboko Herri Krosaren XXII. edizioa ospatuko da bizkaitar hiriburuan. Irteera Bilboko Kale Nagustitik egingo da (BBKren egoitzatik) goizeko 11etan eta helmuga leku berdinean izango da. Honetan parte hartzen duten kirolariek Bilboko kaleak zeharkatzen dituen 10 kilometroko ibilbideari ekin beharko diote eta guztira 6.500/7.500 korrikalari espero dira.
Hona hemen Bilboko Herri Krosaren ibilbidea:
IRTEERA Gran VÃa 30/32 BBK - Plaza Circular - Buenos Aires - Udaletxea - Vda. de Epalza - Arenal - Navarra - Plaza Circular - Hurtado de Amezaga - Plaza Zabálburu - AutonomÃa - Avda. del Ferrocarril - Sabino Arana - Sagrado Corazón - Gran VÃa - Máximo Aguirre - Plaza Euskadi - Puente de Deusto - Lehendakari Aguirre (carril izquierdo) - Sarriko (giro) - Lehendakari Aguirre - Puente de Deusto - Alameda Mazarredo - Lersundi - Cosme Echevarrieta - Alameda Mazarredo –Gran VÃa 30/32 BBK HELMUGA
Bilboko Heri Krosean parte hartu ahal izateko, 5 eurotako kuota ordaindu beharko da (4 eurotakoa BBK26 txartelaz ordainduz gero) hurrengoko lekuetan:
- BILBO - BBKren Kultur Aretoa, Elkano kalea, 22
- GETXO - BBK Algorta, Torrene kalea, 10
- LEIOAKO UNIBERTSITATEA - BBK Eraikin nagusia (Liburutegiaren ondoan)
- BARAKALDO - BBK, Herriko Plaza, 5
- SANTURTZI - BBK, Murrieta hiribidea, 8
- DURANGO - BBK, Zumalacarregui, 20
Informazio guztia | Herrikrosabbk.com
Erlazionatutako sarrerak
Atalak: 
Etiketak: 
