Euskal Herriko Surf Federazioaren webgunean pasa den astean iragarri zen bezala, Mundaka ez da 2010eko Mundu Zirkuituan izango. Dirudienez ASPkoen erabaki penagarri hau, hainbat urtez pairatutako olatu falta izan da. Hona hemen EHSFko iragarpen ofiziala:
ASPkoekin bilera izan ostean, Billabongek Mundakako mundu txapelketa egutegitik ateratzeko erabakia hartu du eta hala adierazi ziguten atzo. Itxuraz, hainbat urtez pairatutako olatu falta, arrazoi nagusia izan omen da.
EHSFk komunikatu berri baten zain dago; oraingo honetan ASPren eskutik.
Dena den, EHSFk erabat sinisten du txapelketa honetan eta mantentzea posible delakoan dago. Izan ere, lan ta lan dihardu, honetan partehartzen duten guztiekin, txapelketa behar bezala eratzeko behar dituen baldintza eta hobekuntzak eskeintzen; besteak beste, egutegian aldaketa bat, hondartza berriak bigarren eszenatoki bezala, eta finantziaketa bilaketa berria, duda barik, beste arraoi garrantzitsu bat.
Ez dugu itxaropena galtzen eta Mundakako txapelketa Euskal Herrira bueltatzeko ahalegin guztiak egingo ditugu. Azken finean, txapelketa nagusiena da eta olatu bikainenetariko bat duda barik.
Erlazionatutako sarrerak
Urtero bezala, abenduaren 31n San Silvestre lasterketak egingo dituzte Euskadiko hainbat udalerritan. Horietan guztietan jai-giroa izango da nagusi, lehia kutsua guztiz baztertu gabe.
GIPUZKOA
BIZKAIA
ARABA
Gure zerrendan dauden beste San Silvestre lasterketen berri duzue?
Erlazionatutako sarrerak
2009ko Abenduaren 27an, Areeta-Bilbo Herri Maratoiaren XV. edizioa egingo da. Irteera Areetako Eduardo Coste kaletik egingo da goizeko 10:30etan eta honetan parte hartzen duten kirolariek 11.836 metroko ibilbideari ekin beharko diote.
Herri Maratoi honen helmuga Bilboko Uribitarte pasealekuan izango da, udaletxearen parean, eta izena emateko ordaindu beharko den kuota 10 eurotakoa izango da abenduaren 26ra arte eta 15 eurotakoa lasterketan bertan ordaintzen bada.
Informazio guztia | Club bhm
Erlazionatutako sarrerak
Bizkaia Bilbao Basketek Eurocupeko ‘Last 16′rako sailkapena lortu zuen atzo Bizkaia Arenan Turk Telekomi 81-75 irabazi ondoren. Nahiz eta partida gogorra izan eta asko sofritu, euskal taldeak 6 puntuko aldearekin amaitu zuen azken laurdena eta europako hurrengoko fasean egongo da.
- 81 - Bizkaia Bilbao Basket (28+18+22+13): Javi RodrÃguez (-), Seibutis (17), Mumbrú (3), Markota (27) y Banic (6) -cinco inicial-; Salgado (-), Blums (8), Paco Vázquez (3), Conley (12), Guardia (-) y Moiso (5).
- 75 - Turk Telekom (16+22+17+20): Mallet (18), Erdogan (5), Wilson (19), Dudley (8) y Lang (4) -cinco inicial-; Acik (4), Yarangüme (8), Owens (4) y Besok (5).
Erlazionatutako sarrerak
Larunbat honetan, abenduak 19, Euskal Herriko Boulder Txapelketa egingo da Arrasateko Uarkape frontoian. Antolakuntza lanetan Euskal Mendizale Federazioa eta Debagoieneko Eskalatzaileak Mendi Kirol Taldea aurkituko ditugu eta froga honetan euskadiko eskalatzaile onenak ikusteko aukera izango dugu.
Txapelketa goizeko 18:00etatik aurrera hasiko da eta honetan parte hartzeko 10 eurotako prezioa ordaindu beharko da. Izena emateko epea bihar amaitzen da, abenduak 16, eta txapelketan parte hartzen dutenek hurrengoko mailetan sailkatuko dira:
Elite - Gizon eta emakumeak
- Txapela + 150€
- Txapela + 100€
- Txapela + 50€
Sub 20 - Gizon eta emakumeak
- Txapela + 100€
- Txapela + 70€
- Txapela + 50€
Informazio guztia | EMF
Erlazionatutako sarrerak
Atalak: 
Etiketak: 
