Artxiboak: Abendua, 2008
15
Abe
Egilea janirefragua
Athleticek ordu erdi baino ez du behar izan Sporting menderatzeko. Llorentek, Iraolak eta David Lopezek aurreneko 30 minutuetan sartutako golek garaipena eta 3 puntuak eman dizkiete zurigorriei. Arratsaldeko puntu beltza, Gurpegiren eta Cuellarren arteko kolpe izan da. Andosillakoak konortea galdu du baina susto batean gelditu da dena. Eskanerrak lesiorik baztertu du eta jada egin diote ebakuntza sudurreko berezko hezurretan.Â
Â
Ideiak garbi izan ditu Bilboko taldeak hasieratik eta 5. minutuan iritsi da lehendabiziko gola. Penaltia egin diote Llorenteri eta aurrelariak berak baloia sarera bidali du penalti puntutik. Konfiantzarekin dago nafarra eta bere gain hartu du penaltia jaurtitzeko erantzukizuna zelaian Iraola edo Yeste bezalako jokalariak zeuden arren.
Joko erakusgarririk egin gabe, eraginkortasuna izan da gaurkoan Athleticen garaipenaren giltza. 23.ean, zurigorrien bigarrena. Kornerra atera, baloia Iraolaren oinetara heldu eta usurbildarrak ez du hutsik egin.
Fran Yestek pibotea osatu du gaurko neurketan Javi Martinezekin eta taldea bere nahietara eta ongi gainera zuzendu du Basaurikoak. Erdilaria izan da, hain zuzen, 3. golaren sortzailea. Pase luze bikaina sartu dio David Lopezi area barruan 31.ean eta honek Cuellar gainditu du Athleticen 3. gola eginda. Atsedenaldira joan aurretik Bilboko taldeak errenta handitzeko aukera pare bat izan ditu baina ez dira baloia sarera eramateko gai izan.
Aldageletatik bueltan, gauzak bide beretik jarraitu dira. Manuel Preciadok bi aldaketa egin ditu baina Sportingen jokoa ez da hobera joan. Athletic jaun eta jabe izan da atzealdean zein erasoan. Abagune ugari izan dituzte Caparrosen mutilek, San Mameseko zaleek gol gehiago ikusi ez dituzten arren. Asturiarrek arrisku gutxi eraman dute bilbotarren area ingurura eta gaurkoan defentsa zurigorria fin ibili da.
Â
Gurpegiren sustoa
Partidua amaitu aurretik, ordea, isildu egin da Katedrala. Gurpegik eta Cuellar atezainak kolpe itzela hartu dute. Nafarrak konortea galdu du baina bere onera itzuli da zelaian bertan. San Sebastian Erietxera eraman dute eta eskanerraren emaitzak edozein lesio garrantzitsu baztertu du. Hori bai, sudurreko berezko hezurretan ebakuntza egin diote erdilariari eta bertan pasatuko du gaua zaintzapean. Cuellarrek peronean hartu du min eta bihar jakingo du zenbat denbora egon beharko du zelaietatik kanpo.
Amaieran, 3 eta 0 San Mamesen. Jokatutako azken 9 puntuetatik 7 lortu dituzte zurigorriek eta tinko jarraitzen dute beheko postuetatik ihes egiteko bidean.
Erlazionatutako sarrerak
14
Abe
Egilea janirefragua
Bartzelonak irabazi du 2-0 ligako klasikoa. Ezustekoa? ez; inorentzat. Talde katalanak garaipena lortzeko modua agian bai. Izan ere, 83 minutu behar izan ditu Barçak markagailuan aurrea hartzeko. Gaurko neurketan atezainak izan dira protagonista. Casillasek penalti jaurtiketa bat gelditu dio Eto’ori, kamerundarrak ondoren itzuli dion arren, eta Valdesen Real Madrilen gola ekidin du. Juande “efektuak” ez du eraginik izan Camp Nou futbol zelaian.
Guardiolaren mutilak nagusi izan dira lehen zati osoan baina Real Madrilek izan du lehen 45 minutuetako aukerarik garbiena. Drenthe Valdesen aurrean gelditu da bakar-bakarrik baina Valdes atezainak holandarraren jaurtiketa gelditu du.
Hori gertatu aurretik, talde bakarra ikusi da zelaian. Barçak goitik ekin dio presioari eta Juande Ramosen taldeak ezin izan du baloia jokatu. Bigarren minutuan ukitu du Leo Messik baloia aurrenekoz eta harmailetan zurrumurrua piztu da. Argentinarrak arriskua eraman du behin eta berriz eskuin hegaletik, baina Casillas aurkitu du aurrean. Bartzelonaren lehen aukera atezain madrildarrak gelditu du. Nagusitasun osoz, etxekoak etengabe saiatu dira baloia sarera eramaten. Messi, Eto’o eta Henry gora joan dira, baina ligako liderrak ez du azken pasean asmatu.
Tartean, madrildarrek markagailuan aurrea hartzeko parada izan dute kontraeraso pare baten bitartez, baina Barçaren defentsa bikain aritu da gaurko norgehiagokan. Guardiolak agindutako presioa hutsuneak utzi ditu atzean eta 26. minutuan Drentheren aukera. Valdes ikusgarri.
Real Madril gogotsu
Gezurra badirudi ere, golik gabe amaitu da lehen zatia. Aldageletatik bueltan, talde madrildarra gogotsuago zelairatu da baina sustoa Eto’ok eman du. Bere jaurtiketa indartsua gutxigatik joan da gora.
Bigarren zatian, indarrak parekatu dituzte bi taldeek eta joan eta etorriko neurketa bihurtu da. Partiduko jokaldi erabakigarria 23. minutuan iritsi da. Salgadok penaltia egin dio Busquets gazteari. Eto’ok bere gain hartu du erantzukizuna, baina huts egin du. Asmatu dio Casillasek kamerundarrari. Atezain-aurrelari bikotearen arteko harremanak bigarren kapitulua bizi izan du 3 minutu geroago, eta oraingoan ere, madrildarra garaile. Hirugarrenean, ordea, ez du barkatu ligako “pitxitxiak”. 38.ean Puyolek buruz baloia utzi dio Eto’ori area barruan eta oraingoan ez du barkatu aurrelariak. 1-0 eta zoratu egin da Camp Nou.
83 minutu behar izan ditu Guardiolaren taldeak markagailuan aurrea hartzeko eta 7 minututan, bi gol. Messi, gaur egun, munduko jokalaririk erabakigarriena dela erakutsi du eta maisuki gainditu du Casillas neurketako azken minutuan.
Amaieran, 2-0 Camp Nou futbol zelaian; Bartzelona liderrago eta Real Madrid 12 puntura.
Erlazionatutako sarrerak
02
Abe
Egilea janirefragua
José Manuel Esnal “Mané”k Espanyol entrenatuko du 2008-09 denboraldia bukatu arte. Sportingen aurkako porrotaren ostean, Bartolomé Márquez talde katalanaren entrenatzailea kargutik kendu zuten eta Balmasedakoak bere lekua hartuko du.
Manék Lleida, Mallorca, Alaves, Levante eta Athletic entrenatu ditu. Bere azken aulkia San Mamesekoa izan zen. 2006-07 denboraldian Sarriugarte ordezkatu zuen Athleticen zuzendaritzan.
Eskarmentua dauka bizkaitarrak lehen mailan, baita egoera zailenei buelta ematen ere. Espanyol dinamika kaskarrean sartuta dago; 4 porrota jarraian jasotzeaz gain, sailkapeneko 17garren postuan dago eta perikitoen aldagelan iazko denboraldiaren mamuak agertu dira berriz ere.
Asteazkenean aurkeztuko dute Mané eta gogotik egin beharko du lan entrenatzaile bizkaitarrak Espanyol beheko postuetatik ateratzeko.
Erlazionatutako sarrerak
02
Abe
Egilea janirefragua
Lehen mailako euskal derbia berriz bizi izango da Kopako final zortzirenetan. Gaur goizean Madrilen egin den zozketaren ondorioz, Osasunak eta Athleticek indarrak neurtuko dituzte urtarrilaren 7an Irunean, eta astebete geroago San Mamesen.
Lehian dagoen beste euskal taldeari dagokionez, Real Unionek Betis hartuko du Stadium Galean final zortzirenetako joaneko neurketan.
Honako hauek dira 2008-09 Kopako final zortzirenak:
Poli Ejido - Espanyol
Racing - Valentzia
Sporting - Valladolid
Real Union - Betis
Sevilla - Deportivo
Atletico - Bartzelona
Osasuna - Athletic
Mallorca - AlmerÃa
Final laurdenetan, Athleticek edo Osasunak Sporting-Valladolid kanporaketaren irabazlearen kontra jokatuko du. Real Unionek aurrera egin ezkero, Mallorca edo Almeria izango luke aurkari hurrengo kanporaketan.
Erlazionatutako sarrerak
01
Abe
Egilea janirefragua
Athleticek arnasa hartu du gaur urrezko hiru puntu lortuta Numantziaren aurka. Llorentek, bi golekin, talde zurigorria atera du jaitsiera postuetatik, eta Caparrosek lasaitasunez aurre egin ahal izango dio Racingen aurkako neurketari.
6 aste sailkapeneko putzuan igaro ostean eta gaur puntuak ezinbestekoak zirela jakinda, horien bila irten da Athletic partidu hasieratik. Baloiaren jabe egin eta 6. minutuan aurreneko poza eman die taldeak San Mamesen bildu diren jarraitzaileei. Yestek azkar atera du falta bat defentsa ezustean harrapatuz eta Fernando Llorentek zurigorrien lehen gola sartu du Susaetaren erdiraketa aprobetxatuta. Jokalariek bizi duten tentsioa agerian gelditu da Caparros amorruz besarkatu dutenean gola ospatzeko.
Numantzia, ordea, ez da kikildu zurigorriek aurrea hartu dutenean eta arriskua eraman du Iraizozen ate ingurura. Dena den, ez da gai izan Kresicen taldea baloia sare barruan sartzeko behin eta berriz saiatu den arren. Athleticentzat gol bateko aldea ez zen nahikoa eta bigarrenaren bila joan da. Garmendiak sartu du, baina epaileak balio gabe utzi du Llorentek baloia ikutu baitu jokoz kanpo zegoenean.
Saiatu da Bilboko taldea eta 30. minutuan saria heldu zaio. Llorentek baloia jaso du Numantziaren area inguruan. Buelta eman eta defentsa atzean utzita, Juan Pablok gelditu ezin izan duen jaurtiketa bikaina egin du aurrelari nafarrak. Momentu goxoan da Llorente eta gaur erakutsi du denboraldiko 4. eta 5. golak sartuta.
2 eta 0eko markagailuarekin, zurigorriek sufritu egin dute. Numantzia gora joan da eta gorriak ikusi dituzte Caparrosen mutilek atea hutsean uzteko. Atsedenaldia ondo etorri zaie zurigorriei eta bigarren zatiaren aurreneko minutuetan neurketa erabakita uzteko aukera izan dute, baina Susaetaren jaurtiketa langara joan da. Hortik aurrera, etxekoen helburua emaitzari eustea izan da, errenta handitzeko aukerak ere izan dituzten arren; Iraola eta David Lopez hirugarren gola sartzeko zorian izan dira.
Amaieran, garaipen garrantzitsua Athleticentzat San Mamesen. Jaitsiera postuetatik irten eta taldeari konfidantza ematen dizkioten hiru puntu eskuratu ditu gaur talde zurigorriak. Lehenbiziko match-ball-a libratu du Joaquin Caparrosek.
Erlazionatutako sarrerak
Partidua amaitu aurretik, ordea, isildu egin da Katedrala. Gurpegik eta Cuellar atezainak kolpe itzela hartu dute. Nafarrak konortea galdu du baina bere onera itzuli da zelaian bertan. San Sebastian Erietxera eraman dute eta eskanerraren emaitzak edozein lesio garrantzitsu baztertu du. Hori bai, sudurreko berezko hezurretan ebakuntza egin diote erdilariari eta bertan pasatuko du gaua zaintzapean. Cuellarrek peronean hartu du min eta bihar jakingo du zenbat denbora egon beharko du zelaietatik kanpo.
Atalak: 
Etiketak: 
