Atalak: Surf

Vans Pro Junior 2009 Surf Txapelketa

Uztailaren 23tik 26ra bitartean, Vans Pro Junior 2009 surf txapelketa egingo da Donostiako Zurriola hondartzan. Mundu mailako junior zirkuituko proba garrantzitsu honetan, 21 urtetik beherako ehun bat surflari egongo dira olatu onenak hartzeko eta hauetariko 30 euskalduna izango dira.

Vans Pro Junior 2009 txapelketa, Costa Vasca Hotelean aurkeztu zen Odon Elorza, donostiako alkatearekin, Haritz Mendiluze (lehiaketa zuzendaria), Jokin Arroyo (EHSFko kudeatzailea) eta gipuzkoako bi surflarien laguntzaz, Ethan Egiguren eta Idoia Meabe.

Zirkuitu mundialeko 7 proba Europan ospatuko dira eta hauetako bi, euskal kostaldean garatuko dira; Horrela, Donostiako proba amaitu bezain laster, Sopelanako txapelketa iritsiko da. Bietan, 7.500 dolarreko saria banatuko da. Mundaka, Zarautz eta datorren hilabetean Sopelanan ospatuko den bodyboard mundu mailako txapelketarekin batera, euskal kostaldeak, nazioarteko surf onenaren hiriburuan bilakatuko da aurten ere.

Iturria | EHSF

Erlazionatutako sarrerak

Quicksilver Air Show Zarautzen

Abuztuaren 8an, Quicksilver Air Show surf festa egingo da Zarautzko gipuzkoar udalerrian. Ekitaldi honetan, surf munduan oso ospetsuak diren 12 surflari parte hartuko dute. Surf ikuskizun hau gauez egiten da eta Jet ski batzuez lagunduta, surflariek abiadura handia lortuko dute jauzi handiak egiteko.

Ikuskizuna gaueko 22:00etan izango da Munoako hondartzan eta surf ekitaldia aparte, DJ Mahara eta Helltrip taldeak musika jarriko dute giroa animatzeko.


Iturria |
EHSF

Erlazionatutako sarrerak

Gipuzkoako Surf eta Bodyboard Txapelketa 2009

Datorren asteuburan, uztailak 11 eta 12, urtero egiten den Surf taldeen arteko txapelketa ospatuko da. Aurten, Getxo Surf Taldeak antolatuko du txapelketa eta ekimena Sopelako Barinatxe hondartzan egingo da. Talde bakoitzak, gehienez 15 surflari aurkezteko aukera izango du eta hauek izango dira txapelketako kategoriak:

  • Open surf
  • Open body
  • Master
  • Senior
  • 18 azpi surf guztira
  • 18 azpi body
  • 16 azpi surf ( 15 eta 16 urte )
  • Neskak
  • Longboard

Izena emateko epea ostegun honetan amaituko da, uztailak 9, eta talde bakoitzeko kuota 100 eurotakoa izango da. Azkenik, hona hemen 2009ko Surf taldeen arteko txapelketaren egitaraua:

UZTAILAK 11 , LARUNBATA

  • 9:00 - elkarteen aurkezpena eta Taldeeko arduradunen batzarra
  • 9.30 - lehiaketaren hasiera
  • 13.15 - senitarteko argazkia
  • 13.30 - bazkaria

UZTAILAK 12, IGANDEA

  • 9.00 - lehiaketa hasiera
  • 13.30 - bazkaria
  • 19.00 - sari banaketa

Iturria | EHSF

Erlazionatutako sarrerak

Pasa den larunbatean, ekainak 14, El Diario Vasco Euskal Zirkuitoko lehenengo froga ospatu zen Sopelanako Arrietara hondartzan. Lehen froga honetako irabazleak, Alex Gironi eta Indar Unanue izan ziren, lehenengo Open B mailan eta bigarrena Open A mailan.

Hona hemen Sopelanako frogaren sailkapen osoa:

Open B

Alex Gironi
Guillermo Alonso
Mitxel Lopez
Borja Agote

Open A

Indar Unanue
Igor Muniain
Pablo Solar
Borja Agote

Hurrengo froga Donostiako Zurriola hondartzan izango da datorren abuztuan.

Iturria | EHSF

Erlazionatutako sarrerak

Jon Ander Bengoetxea - El Diario Vasco Euskal Bodyboard Zirkuitua

Pasa den asteburuan, El Diario Vasco Euskal Bodyboard Zirkuituko lehen froga ospatu zen Sopelanako Atxabiribil hondartzan. Larunbateko frogan, herrialde ezberdinetako ehun bat lehiakide izan ziren olatuen gainean maila ezberdinetan banatuta eta primerako eguraldiaz gozatzeko aukera egon zen.

Lehen txapelketa hau goizeko 9:30etan hasi zen eta 8 ordu eta gero, Jon Ander Bengoetxeak lortu zuen finalaren azken garaipena. Hona hemen El Diario Vasco Euskal Bodyboard Zirkuituko lehenengo frogako irabazle guztiak:

  • Open a: Jon Ander Bengotxea
  • Open b: Rui Ferreira
  • Neskak: Conchi Anillo
  • Sub 18: Unai Insausti
  • Sub 16: Alejandro Poo
  • Dropknee: Alexander Castañeda

Iturria | EHSF

Erlazionatutako sarrerak