Mugikortasunaren astearekin bat eginez, Gipuzkoako bizikleta bide sareari buruzko aurkezpen multimedia bat argitaratu du Aldundiko Garapen Iraunkorreko Departamentuak. Aurkezpen multimedia honetan, 2009ko Gipuzkoako bidegorri sarearen inguruko xehetasun guztiak luzatzen digu.
Aurkezpen honen bidez, gaur egun 224 kilometro dituen Gipuzkoako bizikleta bide sarearen egoera zein den jakiteko aukera izango dugu eta ziklistei eta oinezkoei zerbitzua ematea du helburu bezala.
Esteka | Bidegorri sarearen txostena 2009
Iturria | Gipuzkoa Bizikletaz
Erlazionatutako sarrerak
- Erlazionatutako sarrerak ez
Euskal Autonomia Erkidegoko BTT Zentroek, (Urdaibai-Busturialdea, Izki-Arabako Mendialdea eta Debabarrena) Euskadiko BTT Zentroen I. Challengea antolatu dute. Challenge lehiaketa hau 4 probaz osatuta dago eta urriaren 4an azken lasterketa egingo da.
Urriaren 4an, Valderejo – Añanako BTT Zentroaren txanda izango da txapelketaren azken txanparako eta lau martxetatik hirutan parte hartzen dutenen artean opariak zozketatuko dituzte; besteak beste, landa-etxe batean gau biko egonaldia, gosaria barne, Nekaturren eskutik.
Saridunen izen zerrenda www. euskadibttzentroak.com webgunen agertuko da. Oraindik datu ugari falta dira froga honen inguruan, baina adi egon, laster Kiroldegin argitaratuko ditugu eta.
Iturria | Euskadi BTT Zentruak
Erlazionatutako sarrerak
Urriak 3an, Arriarango Duatloi Kross-aren lehenengo edizioa egingo da Beasaingo udalerrian. Froga hau Intxaurpe elkarteak eta Goierriko Triatloi taldeak antolatu du eta Gipuzkoako eta Euskadiko Mendi Duatloi Txapelketaren barne dago.
Lasterketa Beasaingo Arriaran plazatik hasiko da arratsaldeko 16:00etan eta hiru atal izango ditu
- 1. atala: Mendi lasterkea - 6 Km
- 2. atala: Mendi bizikleta - 20 km
- 3. atala: Mendi lasterketa - 3 km
Guztira 29 kilometro izango dituen froga honetan parte hartzeko kuota 15 eurotako izango da federatuentzat eta 20 eurotakoa federatuta ez daudenentzat. Izena emateko asmoa baduzue, irailaren 15etik aurrera egiteko aukera izango da Euskadiko Triatloi Federazioaren webgunetik.
Izena emateak Irailean 15 etik aurrera egingo dira eta Euskadiko Triatloi Federazioak kudeatuko ditu bere webgunetik.
Iturria | Euskadiko Triatloi Federazioa
Erlazionatutako sarrerak
Urriaren 10ean eta 11n, Euskal Kostaldea Arabar Errioxarekin lotuko duen Euskadi Extrem izeneko martxa ez lehiakorraren lehenengo edizioa ospatuko da. Euskadi Extrem frogak, GR 38 bezala ezaguna den Ardoaren eta Arrainaren ibilbide historikoa dauka ibilbide bezala eta Lekeitio eta Laguardia bezalako herriak lotuko ditu.
Euskadi Extrem Lekeitioko udalerritik irte eta Oiz eta Urkiolako Parke Naturala igaro ondoren, 105 kilometroko bide bat egin ostean, Gasteizera helduko da. Hurrengo egunean, 58 kilometroko ibilbidea eta gero, Laguardiako udalerrian amaituko da froga.
Euskadi Extrem frogan parte hartu nahi baduzue, hiru ibilbide egiteko aukera izango da:
A Ibilbidea:
- Urriaren 10ean eta 11n.
- 1. Etapa: Lekeitio - Gasteiz (105 Km)
- 2. Etapa: Gasteiz - Laguardia (58 km)
B Ibilbidea:
- Urriaren 10ean.
- Etapa: Lekeitio - Gasteiz (105 Km)
C Ibilbidea:
- Urriaren 11ean.
- Etapa: Gasteiz - Laguardia (58 km)
Informazio guztia | Euskadi Extrem
Erlazionatutako sarrerak
Datorren Igandean, uztailak 12, Distantzia Luzeko Espainiako Triatloi Txapelketa egingo da Gasteizen. Estatu mailan benetako garrantzia duen hitzordu honetan 500 triatleta inguru parte hartuko dute eta txapelketa goizeko 8:00etatik aurrera izango da.
Hona hemen Distantzia Luzeko Espainiako Triatloi Txapelketaren zirkuitoaren xehetasunak:
- Igeriketa proba: Landako Parke Probintzialean, bi buelta 2.000 metro dituen hiruki formako ibilbide bati. Lehenengo buelta bukatzean, bigarrena hasi ahal izateko, 20 metroko distantzia bete beharko da uretatik kanpo. (4.000 metro guztira)
- Bizikleta: 120 km dituen ibilbide laua bigarren mailako errepiedeetatik. Landako Parkean emango zaio hasiera zirkuitoari. Zirkuitoa trafikoari irekita egongo da eta beraz, zirkulazio arauak errespetatu beharko dira. Gurpila jarraitzea debekatuta dago.
- Korrika lasterketa: 10 km-ko ibilbidea Salburuako Parkeko bideetan zehar (%50 harri xehe eta %50 asfaltoa). Buesa Arenatik irtetzean zirkuitoa Salburuako Parkean barneratuko da. Parke barruan putzuari buelta osoa emango dio berriz irtetzeko eta hortik Buesa Arenaraino berriz. Ibilbide hau hirutan egin beharko dute korrikalariek, boxeetatik pasatzen. Salburua ingurune babestua da.
Datorren urtean, Gasteizek Europako Triatloi Txapelketa hartuko du.
Iturria | Triatlon Vitoria
Erlazionatutako sarrerak
Atalak: 
Etiketak: 
