Datorren asteburuan apirilak 17 eta 18an, El Diario Vasco Euskal Bodyboard 2010 Zirkuitua hasiko da Sopelanako Atxabiribil hondartzan.
2009ko azken proba ospatzeko aukerarik egon ez denez, alegia, Zentraleko txapelketa, maila goreneko txapelduna dugu aurten ere Aritz Larrinaga sopeloztarra. Beraz, hastera doan zirkuituko buru eta faboritoa ere bada.
Uda sasoian, Donostian garatuko da bigarren proba; urrian Zumaian eta berriro Zentralean amaitzea espero dugu, abenduak aldera, aurten, itxarote epe luzeago bat finkatuko delarik, aukera gehiago izatearren. Izena eman ezazu lehenengo txapelketa honetan partehartzeko: open a, open b, neskak, dropknee, sub 18 eta sub16ko mailak dituzu aukeragai.
Erlazionatutako sarrerak
Eunate Aguirrek Munduko Txapeldunordea bilakatu da Kanariar uharteetan ospatu den IBATOUR mundu zirkuituko azken frogan. Eunate Aguirre euskaldunak, mundu titulua lortzeko asmoz lehiatzen egon da baina zoritxarrez, titulua azken momentuan galdu egin du.
Txapelketan hiru brasiledarrak izan dira nagusi: Isabela Sousa irabazi du Konfitaleko olatuengain; bigarren, Jessica Becker izan delarik eta 3. Eunate Aguirre eta Neymara Carvalho aurkitu ditugu. Carvalho izendatu da bigarren urtez, mundu txapelduna eta rankineko 2. postuan geratu da Aguirre.
Iturria | EHSF
Erlazionatutako sarrerak
EHSFko webgunean iragarri den moduan, BodyBoard Extreme La Central txapelketa bertan behera geratu da asteburu honetan, itsasoko egoera ezegokiengatik. Hona hemen komunikatua:
Atzo aurreratu bezala, lehiaketa zuzendariak itsasoa ikertu du gaur goizean berriro ere eta nahiz eta olatu onak aurkitu dituen, ez dute ezarritako gutxienezko 2 metroak gainditzen. Beraz, bai antolaketak nola lehiakideek, deialdia bertan behera uztea erabaki dute eta hurrengo borraska bat itxarongo da; azken finean sasoi onenean gaude eta oraindik 4 hilabeteko itxarote epea daukagu aurretik. Mila esker Lemoizera jo duzuen hedabide eta jarraitzaile guztiei.
Iturria | EHSF
Erlazionatutako sarrerak
Azaroaren 13tik Martxoaren 25ra bitartean, BodyBoard Extreme La Central bodyboard txapelketa egingo da Lemoizen. Txapelketa honetan, El Diario Vasco zirkuitoko open A mailako 16 bodyboarder onenak hartuko dute parte eta finale handira 6 bakarrik sailkatuko dira.
Hona hemen BodyBoard Extreme La Central txapelketan izango diren bodyboard taldea:
- Aritz Larrinaga
- Antonio Ortiz
- Jon Ander Bengoetxea
- David Pérez
- Iñigo Gainzaran
- Alex Uranga
- Beñat Elosua
- Alex Sebastián
- Iñaki Llona
- Gorka Lasa
- Lander Irazabalbeitia
- Joserra Martinez
- Luis Perez
- Ekain Egaña
- Harri Gorospe
- Unai Fernandez
Erlazionatutako sarrerak
Abuztuaren 18tik 23ra bitartean, Sopelana BBK Pro Munduko Bodyboard Txapelketa egingo da Sopelanako udalerrian. Txapelketa Arrietara hondartzan egingo da eta honetako parte-hartzaileak, munduko txoko guztietatik etorriko dira: Australiatik, Hawaiitik, Japoniatik, Brasildik, Txiletik. Portugaletik…eta Euskal Herritik!
Sopelana BBK Pro lehiaketaren sari nagusia 35.000 dolarrekoa izango da eta aurtengo egitarauaren barruan, gazteenentzako ekintzak, zinema emanaldiak, kirol materialaren zozketak eta doaneko bodyboard ikastaroak ere antolatu dituzte.
Informazio guztia | Sopelana BBK Pro
Erlazionatutako sarrerak
Atalak: 
Etiketak: 
