Martxoaren 7an, urtero egiten den Euskal Mendizale Federazioaren Mendiko Eskiko Zeharkaldia egingo da. Egun horretarako, baldintzak oso onak izango direla aurreikusten da eta, beraz, Zurizako haranean mendiko eskia eginez egun eder bat igarotzeko aukera izango dute honetan parte hartzen dutenek.
Hona hemen Euskal Mendizale Federazioak bidalitako informazioa:
TOKIA: Zuriza (Pirinioak).
SARRERA:
Aurten ere zuei, mendiko eskia leku zabaletan eta presarik gabe egitea gustuko duzuen mendizale eta eskiatzaileei, EMFren Mendiko Eskiko XXXIII. Zeharkaldia egiteko gonbita egin nahi dizuegu; baldintzak oso onak izango direla aurreikusten da, eta, beraz, Zurizako haranean mendiko eskia eginez egun eder bat igarotzeko aukera izango dugu.
AURREIKUSITAKO IBILBIDEA:
Linza – Linzako lepoa – Petrechema 2360 m – Ansoko mendatea – Mallo de Acherito 2362 m – Huertoko lepoa – Foya del Ingeniero – Linza.
IZENA EMATEKO KUOTA:
Parte hartzaile bakoitzak 40,00,-€. ordaindu behar ditu; prezioan afaria, Zurizako kanpineko ostatua (BEHARREZKOA DA LO ZAKUA ERAMATEA), gosaria eta azken bazkaria sartzen dira. Zeharkaldian parte hartuko duten guztiek opari bat jasoko dute. Martxoaren 6ko (larunbata) afaria 20:30ean izango da; hurrengo eguneko gosaria, goizeko
7:00etan, eta bazkaria, zeharkaldia amaitutakoan: 2010ko martxoaren 7an, igandean, 14:30ean.
BESTELAKOAK:
Izen-abizenak, taldearen izena eta federatu lizentziaren zenbakia. Banku transferentzian honako hau zehaztuko da: Euskal Mendizale Federazioa – Mendiko Eskiko XXXIII. Zeharkaldia. Banku transferentziaren kopia bat bidali behar da honako helbide honetara:
IZEN EMATEAK:
EUSKAL MENDIZALE FEDERAZIOA
Anoeta Pasealekua, 24
Tel.: 943.47.42.79 Faxa: 943.46.24.36
20.014 DONOSTIA
E-maila: emf.donosti@emf-fvm.com
www.emf-fvm.com
GIPUZKOA-DONOSTIA KUTXA: KONTU ZK.: 2101.0081.11.0012018305
Azken orduko ezustekoak saihesteko, izena emateko epea martxoaren 3an amaituko da.
Eskatutako guztia jaso arte ez da izen ematea aintzat hartuko.
GEHIENEZ ERE 80 PERTSONAK PARTE HARTU AHAL IZANGO DUTE.
Informazio guztia | Euskal Mendizale Federazioa
Erlazionatutako sarrerak
Euskal Mendizale Federazioak 2010eko Iraupen Luzeko Ibilaldien behin-behineko egutegia zabaldu du jada. Beraz, hauxe da Euskal Herriko iraupen luzeko ibilaldien 9. zirkuituaren egitaraua:
ARABA
- Maiatzak 15 - Manu Yanke
- Maiatzak 23 - Gasteiz M.T
- Maiatzak 29 - Palomares/Basati (TRAVESIA SIERRA DE CANTABRIA)
BIZKAIA
- Maiatzak 2 - Balmaseda M.T (MARCHA DE FONDO VILLA BALMASEDA)
- Maiatzak 16 - Ganerantz M.T (IRAUPEN IBILALDIA JOSEBA ROMAÑA J.R.)
- Maiatzak 22 - Karrantza Harana (MARCHA DE MONTAÑA KARRANTZA HARANA)
- Maiatzak 30 - Ganguren M.T (GURUTZETAKOAK)
- Ekainak 20 - Sollube 707 M.T (BERMEOKO ERMITXEN MARTXA)
- Urriak 3 - Itxinape M.T (OROZKO HARANA)
GIPUZKOA
- Martxoak 28 - Aizkardi M.T (AIZKARDI IBILALDIA)
- Apirilak 11 - Euskalduna M.T (ANDOAINGO IBILALDIA)
- Apirilak 18 - Pagoeta M.T
- Maiatzak 22 - Oargi M.T
- Ekainak 6 - Fortuna M.T (70 TRAVESÍA)
- Ekainak 13 - Aitzkorri M.E
IPARRALDE
- Ekainak 6 - Axuria M.E
- Uztailak 18 - Atsulai T. (XARETA OINEZ)
- Urriak 10 - Makea
NAFARROA
- Apirilak 10 - Altsasuko Mendigoizaleak (IRU MENDI ZERRAK II MARTXA)
- Apirilak 24 - Iratxo M.E (SAKANAKO IBILALDI HAUNDIA)
- Maiatzak 8 - Trinkete M.T (ALAITZKO IBILALDIA)
Erlazionatutako sarrerak
Larunbat honetan, abenduak 19, Euskal Herriko Boulder Txapelketa egingo da Arrasateko Uarkape frontoian. Antolakuntza lanetan Euskal Mendizale Federazioa eta Debagoieneko Eskalatzaileak Mendi Kirol Taldea aurkituko ditugu eta froga honetan euskadiko eskalatzaile onenak ikusteko aukera izango dugu.
Txapelketa goizeko 18:00etatik aurrera hasiko da eta honetan parte hartzeko 10 eurotako prezioa ordaindu beharko da. Izena emateko epea bihar amaitzen da, abenduak 16, eta txapelketan parte hartzen dutenek hurrengoko mailetan sailkatuko dira:
Elite - Gizon eta emakumeak
- Txapela + 150€
- Txapela + 100€
- Txapela + 50€
Sub 20 - Gizon eta emakumeak
- Txapela + 100€
- Txapela + 70€
- Txapela + 50€
Informazio guztia | EMF
Erlazionatutako sarrerak
Urriaren 23an, Euskal Mendizale Federazioaren ohiko eta aparteko batzar orokorra egingo da EMFren Gasteizko egoitzan. Batzarraren lehenengo deialdia arratsaldeko 19:00etan hasiko da eta eguneko gaien zerrenda hau izango da:
Aparteko batzar orokorra:
- EMFren Mendi Lasterketen araudia aldatzeko eta, hala badagokio, onartzeko proposamena.
- EMFren Iraupen Luzeko Ibilaldien araudia aldatzeko eta, hala badagokio, onartzeko proposamena.
- EMFren estatutuetako 6. artikulua aldatzeko eta, hala badagokio, onartzeko proposamena.
Ohiko batzar orokorra:
- 2009ko maiatzaren 25eko akta eta 2009ko urtarrilaren 17ko hauteskunde batzordearen akta irakurtzea eta onartzea, hala badagokio.
- Presidentearen agurra.
- Zuzendaritza Batzordeko kide berrien berrespena.
- 2010. urteko federazio lizentziaren prezioak proposatzea eta, hala badagokio, onartzea.
- 2010. urteko EMFren aurrekontuak proposatzea eta, hala badagokio, onartzea.
- EMF Vitoria-Gasteizera lekualdatzeari buruzko Zuzendaritza Batzordearen txostena.
- 2010. urteko jardueren egutegia.
- Galde-eskeak.
Informazio guztia | Euskal Mendizale Federazioa
Erlazionatutako sarrerak
Ekainak 7an, Euskal Mendizale Federazioaren Orientazio Ibilaldiaren XXX. Edizioa egingo da Goikogane Mendi Taldearen eskutik. Ibilaldia Laudio udalerrian hasiko da goizeko 8:30ak eta 9:30ak bitartean Aldaikoerreka plazatik, eta momentu horretan ibilbidearen kontrol bakoitzari dagozkion koordenadak biltzen dituen mapa emango zaio partaide bakoitzari, kontrol txartela eta arautegiarekin batera.
Gainera, ibilaldia eta gero bazkaria egongo da aurretik jakinarazi dutenentzat. Honetan parte hartzeko epea gaur bertan itxiko da (Maiatzak 29), beraz ez lokartu! Izena emateko, Goikogane Mendi Taldearekin harremanetan jarri behar da Araba kaleko 2an –solairuartea– 01400 Laudion, astearte-ostiraletan (19:00etatik 21:00etara bitartean); edo bestela Faxen bidez (944 038 568) nahiz Internetan bidez www.goikogane.com
Informazio guztia | Euskal Mendizale Federazioa | Goikogane M.T
Erlazionatutako sarrerak
Atalak: 
Etiketak: 
