Martxoaren 27an eta 28an, Mendi Eskiko Trebakuntzako ikastaroa egingo da Gipuzkoako Mendi Eskolaren antolakuntzarekin. Ikastaroa Cauterets-en, Wallon aterpean, izango da eta matrikula 105 eurotako prezioa izango du.
Partaide guztiek El Mundo de los Pirineos eta Euskal Herria aldizkariaren ale bat jasoko dute, Federazioaren babesle nagusia den Sua Edizioak-ek opari emanda.
Mendiko zenbait material ere zozketatuko da, Federazioaren laguntzaileen eskutik: Aralar Kirolak, Belharra eta Izadi Kirolak.
LEHEN EGUNEKO HITZORDUA
Martxoaren 15ean, osteguna, arratsaldeko 19:30ean, Gipuzkoako Mendizale Federazioaren egoitzan elkartuko gara (Anoetako estadioaren azpian) zalantzak argitzeko.
IZEN EMATEAK eta INFORMAZIOA:
- Gipuzkoako Mendizale Federazioa KIROL ETXEA – Anoeta Ib., 5 - 20014 Donostia Tel: 943 461 440
- Fax: 943 474 574
- e-mail: gmf-federatuak@kirolak.net
- Astelehen, asteazken eta ostegunetan: 11:00etatik-13:50era eta 17:00etatik-19:50era
Iturria | Gipuzkoako Mendi Eskola
Erlazionatutako sarrerak
Otsailaren 6an eta 7an, Gipuzkoako Goi Mendi Eskolak antolatuta, Izotz Eskalada Ikastaroa egingo da Bielsan. Honetan parte hartzeko, otsailaren 3ra arte egongo da zabalik izena emateko epea eta hauek izango dira ikastaroaren edukiak:
MAILAK : Hastapena eta Trebakuntza
IKASLEEN KOPURUA:
- Hastapena: gehienez: 12 / gutxienez: 4
- Trebakuntza: gehienez: 12 / gutxienez: 4
RATIOAK:
- Hastapena: irakasle bat 4 ikasleko.
- Trebakuntza: irakasle bat 2 ikasleko.
PREZIOAK: 2010eko otsailaren 3a arte (barne) izena emanda:
- Hastapena: 112 €.
- Trebakuntza: 179 €.
Informazio guztia | Gipuzkoako Goi Mendi Eskola
Erlazionatutako sarrerak
Abenduaren 12tik 13ra bitartean, Glaziareko Alpinismo Ikastaroa egingo da Gipuzkoako Mendizale Federazioak antolatuta. Hastapen ikastaro honen helburu orokorrak hauek izango dira:
- Ezagutza teoriko praktikoak eskuratu ingurune glaziarean autonomiaz eta segurtasunez 40º/45º arteko aldapak dituzten bide errazetatik igotzeko.
- Soka, piolet bat eta kranpoien oinarrizko erabilera ezagutzea glaziareko tenkaketarik edo enkordamendurik gabe.
Ikastaroa Gavarnien izango da eta informazio gehiago nahi izanez gero, Federazioarekin harremanetan jartzeko informazioa luzatzen dizuegu:
- Telefonoa: 943.46.14.40
- E-posta: gmf-federatuak[@]kirolak.net
Iturria | Gipuzkoako Mendizale Federazioa
Erlazionatutako sarrerak
Kirolaren Euskal Eskolak lehen mailako entrenatzaile ikastaroa antolatu du Donostiako Kirol Etxean. Ikastaroa datorren urteko urtarrilaren 22tik martxoaren 13ra egingo da, ostiraletan eta larunbatetan. Izen-emate epea zabalik dago jada eta urtarrilaren 22an itxiko da. Parte-hartzaileak 16 urte baino zaharragoak izan beharko dira eta Bigarren Hezkuntzan graduatu titulua edo baliokidea izan beharko dute.
Taldeak gutxienez 15 ikasle izan beharko ditu, eta gehienez 35. Horietako bakoitzak 135 euro ordaindu beharko ditu; Kirolaren Euskal Eskolarekin hitzarmena duen erakundeetako kideek, berriz, 90 euro ordaindu beharko dituzte. Kirolaren Euskal Eskolak Getxoko Makaletako etorbidean duen bulegoan edo bere web gunean eman daiteke izena.
Ikastaroan oinarri biologikoak, jarrera eta ikaskuntza, kirol entrenamenduaren teoria eta praktika eta kirol antolakuntza eta legeria landuko dituzte. Entrenatzaile ikastaroko bloke komuna gainditzeko ezinbestekoa da asistentziaren %80a betetzea eta arlo bakoitzeko azterketa gainditzea. Lehen mailako entrenatzaile diploma eskuratu nahi duenak bloke komun hau, bloke espezifikoa eta praktikak gainditu beharko ditu.
Iturria | Kirolaeuskaraz
Ikastaro gehiago | Euskadi.net
Erlazionatutako sarrerak
Datorren urteko Urtarrilaren 29an eta 30an, Surfari aplikaturiko meteorologia eta ozeanografiari buruzko jardunaldiak Getxoko udalerrian. Ikastaroaren irakasleak Tony Butt (Itsasoaren Zientzietan Lizentziatua eta Ozeanografia Fisikoan Doktorea) eta Gabi Perez (Telekomunikazio Ingeniaria) izango dira eta bi egunetan zehar eduki hauek emango dira:
- Surf guneetan olatuen dinamikak sortu eta baldintzatzen dituzten mekanismo fisikoak ezagutu eta ulertu.
- Ikasleari mapa isobarikoak interpretatzeko ezagutzak eman, etorkizunean horien bitartez olatuen dinamikak eta baldintza atmosfériko lokalak aurreikusi ahal izateko.
- Internetaren erabilera itsas eta olatuen baldintzak aurreikusteko.
Ikastaroa kirol sistemarekin erlazioa duten pertsonei zuzendua dago, batez ere federazio, klub, enpresa eta kirol zerbitzu publikoekin zerikusia dutenak eta berez gaztelaniaz izango da. Hona hemen izena emateko informazioa:
1. Kiroleskolako bulegoan:
Makaletako etorbidea, z/g
48992 Getxo (Bizkaia)
Tel: 94 430 48 67 / Fax: 94 430 90 11
Iturria | EHSF
Erlazionatutako sarrerak
Atalak: Mendia 
Etiketak: Gipuzkoako Mendi Eskola, Gipuzkoako Mendizale Federazioa, ikastaroa, Mendi Eskia 
