Otsailaren 18tik 21ra bitartean, Saskibaloiko Errege koparen finala hartuko du Barakaldoko Bizkaia Arenak. Dudarik gabe, saskibaloi ingurua bizkaiak hartuko duen urte osoko kirol ekitaldirik garrantzitsuenetako bat izango dugu eta eta ostiralean final-laurdenak jokatuko dira.
Larunbatean, aldiz, bi finalerdiak izango dira, eta hurrengo egunean emozioz betetako finalaz gozatu ahalko dute ikusleek. Dagoeneko jakin badakigu ze talde izango ditugu Errege Koparen azken fase honetan: Regal FC Barcelona, Caja Laboral, Real Madrid, Power Electronics Valencia, Bizkaia Bilbao Basket, DKV Joventut, Cajasol eta Asefa Estudiantes.
Informazio guztia | ACB.com
Erlazionatutako sarrerak
ACB ligako ametsa apurtu zen atzo TAU Baskoniarentzat playoffetako partiduan Palau Blaugranan galdu ostean (99-77). Iazko partidua irabazi behar zuen derrigorrez bosgarren partidua Gasteizen jokatzeko, baina ezinean ibili ziren TAUko jokaleriek.
Azkenik, finalak lau partidu behar izan ditu txapelduna iragartzeko eta kanporaketa 3-1ean geratu da Regal F.C Barcelonarentzat. Zorionak katalunyako taldearentzat!
Erlazionatutako sarrerak
TAUk, Palau Blaugranan galdu zuen atzo ACB Ligako play-offetan aurretik jartzeko lehenengo aukera (85-67). Dusko Ivanovicen jokalariek partiduaren aurreneko minutuetan hutsegite eta baloi asko galdu zituen, eta Bartzelonak ez zuen markagailuan aurretik jartzeko aukera galdu. Gainera, bigarren laurdenaren amaieran, erritmo azkarragoa sartu zuen Bartzelonak eta hortik aurrera Katalanen eskuetan gelditu zen partidua.
Laugarren partidua ostegunean izango da, Palau Blaugranan berriro ere (20:15etan) eta TAUk indarrez ekin beharko dio ligako finalean bizirik irauteko.
Fitxa teknikoa:
Regal Bartzelona 85 - 67 TAU Ceramica
Regal Bartzelona: Lakovic (6), Navarro (10),Basile (19), Santiago (2), Andersen (10) -hasierako bostekoa-, Fran Vazquez(7), Grimau (7), Sada (5), Ilyasova (19), Trias (-) eta Dedovic (-).
TAU Ceramica: Priogini (12), Rakocevic (10), McDonald(4), Mickeal (7), Teletovic (8) -hasierako bostekoa- Splitter (9), Vidal(11), Lucas (-), Baldo (-) eta San Emeterio (6).
Erlazionatutako sarrerak
TAUk eta Bartzelonak gaur jokatuko dute finaleko hirugarren partidua eta oraingoz, kanporaketa berdinduta dago (1-1). Gaurko hitzordua, Bartzelonan jokatu diren bi partiduetatik lehenengo izango da eta TAUk, gutxienez, hauetariko bat irabazi beharko du finalean bizirik irauteko.
Dirudienez, TAUko Splitter, Vidal eta Teletovic arazo fisikoekin dabiltza eta gaurko norgehiakorako zalantza dira. Partidua arratsaldeko 20:15etan hasiko da Palau Blaugranan eta telebistako La 2 katean emango dute.
Erlazionatutako sarrerak
Atzo izan zen ACB ligako finalaren lehen hitzordua eta TAU Baskonia eta Bartzelonaren arteko norgehiagokan, kanpoko taldeak lortu zuen garaipen garrantzitsua (80-82). Buesa Arenan jokatutakon partidu hau oso berdindua egon zen bukaera arte, baina azken minutuetako berotasunean eta 80-79ko markagailuarekin, Basilek hirukoa sartu zuen.
Emaitza honekin, kanporaketa 0-1ean jarri du Bartzelonak eta datorren partidua, bihar izango da Gasteizen arratsaldeko 18.15etan.
Fitxa teknikoa:
TAU Ceramica: Prigioni (2), Rakocevic (19), Vidal (9), McDonald (10), Splitter (18) -hasierako bostekoa-, Mickeal (5) Teletovic (11), Lucas (6).
Regal Bartzelona: Lakovic(13), Basile (3), Navarro (11), Andersen (21), Santiago (9)-hasierako bostekoa-, Vazquez (12), Ilyasova (8), Grimau (3), Sada (2).
Erlazionatutako sarrerak
Atalak: 
Etiketak: 
