Asteburu honetan, arraunaren hitzordu berria izango dugu galiziako Moaña herrian egingo den estropadaren XXVII. ekitaldia dela eta.
Bi estropada jokatuko dira herri berean, larunbatean bata, igandean bestea, eta San Miguel Ligako ontziek Galizian egingo duten azken geltokia izango da. Larunbatez, eta arratsaldeko 6retan hasita, Ria de Vigo Sari Nagusia estropada hasiko da eta igande eguerdian (12:00) Fandicosta Sari Nagusiak hartuko du txanda.
Estropada bakoitza puntuagarria izango da San Miguel Ligako sailkapenari begira, baina Moañako herriko Bandera bi jardunaldietako denborak batuz erabakiko da: larunbatekoa eta igandekoa. Estropada zuzen-zuzenean eskainiko dute ETBk eta TVG Galiziako Telebistak, 17:30an, emakumezkoen estropada hastearekin bat.
Ontziek 5.556 metroko ibilbidea osatu beharko dute (hiru itsas milia), lau luze eta hiru ziabogekin. Gizonezkoen lehiaketan jokoan egongo da San Miguel Liga bera. Naturhouse Castrok sei puntuko alde mamitsua lortu du dagoeneko San Pedrorekiko, baina pasaitarrek eta Hondarribiak ez dute hain azkar amore eman nahi. Castro menderatu beharko dute Moañan Gipuzkoako bi ontziek, kantabriarrek sailkapenean ihes egin ez dezaten.
Estropada hiru txandatan banatuko da:
- 1.go txanda: Arkote, Samertolameu Meira, Tiran Pereira eta Zumaia Altuna y Uria ariko dira, San Miguel Ligako lehen bi estropadak jokatu ondoren 9. eta 12. postuen artean dauden ontziak.
- 2. txanda: San Miguel Ligako sailkapenean 5., 6., 7. eta 8. postuetan duaden ontziak lehiatuko dira elkarren aurka: Pedreña, Grupo Eibar Orio, Kaiku Ambilamp eta Zarautz Inmobiliaria Orio.
- 3. txanda: San Miguel Ligako sailkapenean buruan dauden lau klubek parte hartuko dute: Urdaibai Umpro Avia, Hondarribia, Naturhouse Castro eta San Pedro Ecolmare
Iturria | Liga ACT
Kiroldegin | Estropadak | San Miguel Liga
Erlazionatutako sarrerak
Asteburu honetan, San Miguel Ligaren (TKE Liga) lehenengo bi frogak egin ziren. Larunbatean, Telefonica Bandera - Bilbao Hiri Sari Nagusiko XI. estropada egin zen eta honetan, Castroko trainerua izan zen garaile, San Pedro Ecolmare eta Hondarribiako taldeen atzetik.
Igandean berriz, La Navaleko Mendeurreneko Bandera jokatu zen eta honetan, San Pedro Ecolmare taldeak eraman zuen garaipena, Castro eta Hondarribiako traineruen aurretik.
Hona hemen, Traineruen San Miguel Ligaren sailkapen nagusia:
|
1
|
San Pedro Ecolmare
|
23 |
|
2
|
Castro |
23
|
|
3
|
Hondarribia
|
20
|
|
4
|
Urdaibai Umpro Avia
|
15
|
|
5
|
Candy ORIO G.Eibar
|
14
|
|
6
|
Zumaia Altuna y Uria
|
13
|
|
7
|
Pedreña
|
13
|
|
8
|
Zarautz Inmob. Orio
|
12
|
|
9
|
Kaiku
|
10
|
|
10
|
Tiran Pereira
|
7
|
|
11
|
Samertolameu
|
4
|
|
12
|
Arkote
|
2
|
Erlazionatutako sarrerak
Bihar, uztailak 5, La Navaleko Mendeurreneko Bandera estropada egingo da Portugaleteko bizkaitar udalerrian. Estropada hau San Miguel Ligako (TKE Liga) bigarren hitzordua bihurtuko da eta eguerdiko 12:00etan hasiko da.
Estropadako txanda banaketa bezperako estropadako sailkapen orokorraren araberakoa izango da. San Miguel Liga eta Caja Madrid Koroa irabazi nahi dituzten 12 ontziak hiru txandatan banatuko dira. Lehen txandan 9. eta 12. postuen artean sailkatutako ontziek parte hartuko dute, eta beste bi txandak sistema beraren bitartez erabakiko dira.
Iturria | Liga ACT
Kiroldegin | Estropadak | San Miguel Liga
Erlazionatutako sarrerak
Udarekin batera, estropadak ikusteko aukera izango dugu berriro ere gure itsasoetan. Uztailaren 4tik Irailaren 20ra arte, Traineruen TKE Ligaz gozatzeko unea izango dugu eta lehenengo froga Bilboko hirian izango da. Hona hemen, Traineruen TKE Ligaren frogen egutegia:
- XI Bandera Telefonica - GP Villa de Bilbao - Bilbo - Uztailak 4 - 18:00
- Bandera Centenario de la Naval - Portugalete - Uztailak 5 - 12:00
- XII Bandera Telefonica - GP Concello Ogrove - Ogrove - Uztailak 11 - 18:00
- Bandeira Ria de Pontevedra - Pontevedra - Uztailak 12 - 12:00
- XXVII Bandeira Concello Moaña - P. Ría Vigo - Moaña - Uztailak 18 - 18:00
- XXVII B. Concello Moaña - P. Fandicosta - Moaña - Uztailak 19 - 12:00
- V Bandera Marina de Cudeyo - GP Dynasol - Pedreña - Uztailak 25 - 19:00
- Plentziako XXI. Ikurriña - Plentzia - Uztailak 26 - 12:00
- Zumaiako XXIV. Ikurriña - Zumaia - Abuztuak 1 - 19:00
- Getxoko Estropaden XXXI. Ikurriña - Getxo - Abuztuak 2 - 12:00
- Zarauzko XXXII. Estropadak 1 - Zarautz - Abuztuak 15 - 18:00
- Zarauzko XXXII. Estropadak 2 - Zarautz - Abuztuak 16 - 12:00
- Hondarribiko XXII. Ikurriña - GP Mapfre - Hondarribia - Abuztuak 22 - 17:00
- Kofradiaren XV. Ikurriña - Pasai San Pedro - Abuztuak 23 - 12:00
- XI Bandera Flaviobriga - Castro Urdiales - Abuztuak 29 - 17:00
- XVII. Ikurriña Inmobiliaria Orio - Orio - Abuztuak 30 - 12:00
- Bermeo Hiriko XXVII. Ikurriña - Bermeo - Irailak 19 - 17:00
- XXXV Bandera El Corte Inglés - Portugalete - Irailak 20 - 12:00
Traineruen TKE Ligan goi mailako 12 taldek parte hartuko dute:
- Arkote Kaiku
- Urdaibai
- Zumaia
- Zarautz
- Orio
- Pasai San Pedro
- Hondarribia
- Tiran (galizia)
- Samertolameu (galizia)
- Pedreña (kantabria)
- Castro (kantabria)
Informazio guztia | Liga ACT
Erlazionatutako sarrerak
Atalak: Estropadak 
Etiketak: Fandicosta Sari Nagusia, Moaña, Moañako Bandera, Ria de Vigo Sari Nagusia, San Miguel Liga, TKE Liga, Traineruak, Vigo 
